Քիթ, ոտքեր, միջնամատ. 5 զավեշտալի ապահովագրություն, որ երբևէ եղել է

Մինչ դու լուծում ես ավտոմեքենայիդ ապահովագրության հարցը, մի շարք մարդիկ ապահովագրում են…  իրենց մարմնամասերը: 

????Գինեգործի ու գուրմանի քիթը…

Գինեգործ Իլյա Գորտին հաջողվեց 7 միլիոն դոլլարով ապահովագրել իր դեմքի ամենաարտառոց մասը՝ քիթը: Ապահովագրական գործակալները երկար ժամանակ գլխի չէին ընկնում, թե ինչու նրա քիթն այդքան «թանկ արժե»: Պատասխանը պարզ էր. մարդու քթում են տեղակայված մեծաքանակ ռեցեպտորներ, որոնց շնորհիվ նա կարողանում է տարբերել բույրերի միլիոնավոր նրբերանգներ: Այսպիսով՝ մեր հերոսի համար քիթը պակաս կարևոր չէր, քան ֆոտբոլիստի համար ոտքերը կամ դաշնակահարի համար մատները: Այս հարցում ինձ հետ, վստահաբար, համաձայն է Անգլիայի հայտնի բանկերից մեկը ՝ Lloyds Bank-ը, որն էլ իրականացրել է ապահովագրությունը, ի դեպ՝ սա բանկի առաջին «տարօրինակ» գործարքը չէր…

????Աշխարհի ամենաթանկ ոտքերը

Մադրիդի «Ռեալ» ֆուտբոլային ակումբը կարողացավ ոչ միայն կատարել ամենաթանկ տրանսֆերը ֆուտբոլային աշխարհում, այլև 100 միլիոն եվրո ներդնել Կրիշտիանու Ռոնալդուի ոտքերի ապահովագրության համար: Այս գումարը ռեկորդային է ֆուտբոլի պատմության մեջ: Եթե ​​Ռոնալդուն այնպիսի վնասվածք ստանա, որի պատճառով դադարեցնի ֆուտբոլային կարիերան, ակումբը մեծ փոխհատուցում կստանա:

???? Ապահովագրություն 40-ականներից

Դերասանուհի Բեթի Դևիսը դեռևս XX դարի 40-ականներին ապահովագրել է իր մարմինը՝ 28 հազար դոլլարով, և այս ամենն արվել է ապագայում գործազրկությունից խուսափելու համար: Բանն այն է, որ կինը կարող էր գիրանալ և կորցնել իր գրավչությունը: Ինչպես գինեգործի դեպքում, Lloyd’s Bank-ի աշխատակիցները անմիջապես որսացին յուրօրինակ ապահովագրության հոտը:

☕ Սուրճի գիտակ

Գենարո Պելլիչիյան, աշխատելով որպես Costa Coffee-ի դեգուստատոր, իր լեզվի ապահովագրության մեջ ներդրել է 14 միլիոն դոլլար և դա բացատրել է այն փաստով, որ փորձել է մի քանի հազար տեսակի սուրճ, և գլխավորն այն է, որ կարողանում է տարբերել դրանք ու օգտակար խորհուրդներ տալ, թե ինչպես բարելավել այս կամ այն սուրճի համը: Այս դեպքում էլ լեզուն Գենարոյի համար նույնքան կարևոր է, որքան վերոնշյալ գինեգործի համար՝ քիթը: Գուշակեք, թե որ բանկն իրականացրեց այս ապահովագրությունը: 

????Քիտ Ռիչարդսի միջնամատը

The Rolling Stones-ի կիթառահար Քիտ Ռիչարդսը 1 միլիոն 600 հազար դոլլար է ներդրել մի շռայլ ապահովագրության մեջ: Քիտն ապահովագրել է ձախ ձեռքի միջնամատը՝  տարբեր վնասվածքներից: Միայն մի հարց է մնում. արդյո՞ք նա ապահովագրել է իր մատը՝ վախենալով, որ կարող է կոտրել այն կիթառ նվագելիս, թե՞ այն կարող է վնասվել, օրինակ, երբ երաժիշտն այն ցուցադրի՝ որպես «փոքրիկ ժեստ»: Ամեն դեպքում՝ ապահովագրությունն ուժի մեջ է, խորհուրդ կտանք չմոտենալ նրա ձախ ձեռքին, եթե բախտ ունենաք նրան հանդիպել: 

Իհարկե, Lloyds Bank-ը դեռևս մասնաճյուղ չի բացել Հայաստանում, որպեսզի, օրինակ, ես կարողանայի ապահովագրել ուղեղիս այն հատվածը, որը պատասխանատու է գրելու ունակությանս համար, սակայն մենք էլ կարող ենք իրականացնել մեզ հասանելի գործարքներ, օրինակ՝ ապահովագրել նոր ավտոմեքենան, ավելին՝ դա կարող ենք անել Telcell Wallet-ով, ինչը մեծապես կպարզեցնի գործընթացն ու թույլ կտա խուսափել ավելորդ գլխացավանքից: