Telcell ընկերությունը նորարարական ֆինանսական տեխնոլոգիաներ է ներդնում Հայաստանում 2007 թվականից։ Բոլոր այս տարիների ընթացքում մենք վերափոխել ենք ոլորտը, ինքներս շարունակաբար կրթվել ու աջակցել մյուսների կրթությանը, քանի որ միայն այսպես կարելի է զարգանալ ժամանակին համընթաց։
2024 թ․ նոյեմբերի 25-ին ստորագրելով հուշագիր՝ մենք դարձանք «Koreez 2025»-ի մաթեմատիկայի մրցույթի հովանավոր, որպեսզի խրախուսենք երիտասարդ սերնդին ուսումնասիրել մաթեմատիկան՝ որպես տեխնոլոգիաների զարգացման համար առանցքային առարկա։ Համոզված ենք, որ դուք՝ մրցույթի մասնակիցներդ, ապագայում կդառնաք տաղանդավոր մասնագետներ, նորարարներ և ձեռներեցներ, ովքեր կնպաստեն Հայաստանի տեխնոլոգիական և գիտական առաջընթացին։
Բոլորիդ մաղթում ենք բարձր տրամադրությամբ մասնակցել մրցույթին և փայլել գիտելիքներով։
