Telcell Wallet-ում արդեն կարող ես ստեղծել Visa թվային քարտ։ Այն նման է քեզ ծանոթ բանկային քարտերին, բայց ունի առավելություններ, որոնք հաստատ դուրդ կգան։
Քարտն առաջարկում է 3% տարեկան եկամուտ՝ հաշվի դրական մնացորդի վրա, ստեղծվում և սպասարկվում է անվճար։ Օնլայն գործարքներից բացի, դրանով կարող ես վճարել օֆլայն՝ կցելով Apple Pay-ին և Google Pay-ին։
Քարտը կարող ես 24/7 անվճար համալրել 4500+ Telcell տերմինալներով։
Այս քարտերն արվեստի գործեր են
Telcell-ում մենք շատ ենք կարևորում արվեստի դերը կյանքում և ամեն հնարավորության դեպքում փորձում ենք աջակցել Հայաստանում դրա զարգացմանը։
Ժամանակակից հայ արտիստների հետ համագործակցության արդյունքում Telcell Wallet-ում արվեստի գործեր ենք ավելացրել, որ գործարքներդ ավելի սիրուն կատարես։
Առաջարկվող 5 տարբերակներից մեկը կարող ես օգտագործել որպես քո Visa թվային քարտի կազմ․
Acid Coma, Jungles
«Jungles» գործի հեղինակը երիտասարդ հայ արտիստ է, ով ստեղծագործելիս ոգեշնչվել է էլեկտրոնային երաժշտության ջանգլ ճյուղով և 90-ականներում այդ ժանրին բնորոշ վիզուալ պատկերներով՝ պահպանելով դինամիկան իր աշխատանքում։
Ֆարաոն Միրզոյան, Լեռնաշխարհ
«Լեռնաշխարհ» կտավը պատկանում է ՀՀ արվեստի վաստակավոր գործիչ ֆարաոն Միրզոյանի վրձնին։ Կտավի վրա՝ խաղաղ երկնքի տակ, գույնով սփռված են Հայկական Պար լեռնաշղթան, Արարատյան դաշտը, հայոց ձորերն ու լճերը։
Արարատ Ալեքսանյան, Ջրի ծնունդը
«Ջրի ծնունդը» կտավը պատկանում է երիտասարդ նկարիչ Արարատ Ալեքսանյանին։ Այն պատկերում է ջրի շարժումն ու փոխակերպվող բնույթը՝ որպես կյանքի, մաքրության և խորության խորհրդանիշ:
kazmir00, Brutalist00. Peace & Quiet
«Brutalist00. Peace & Quiet»-ը երիտասարդ հայ արտիստի 3D արվեստի գործ է։ Այս գործով նա իր վերաբերմունքն է արտահայտում բրուտալիստական ճարտարապետությանը՝ դրան լավատեսության մթնոլորտ հաղորդելով: Կոմպոզիցիայի փիլիսոփայությունը հղում է անում հանգստությանը՝ իր մաքուր ձևով։
Pixel
Դասականը ոչ ոք չի չեղարկել։ Քո Visa թվային քարտը կարող է լինել Telcell-ի համեստ բրենդավորմամբ։
Telcell Wallet-ում Visa թվային քարտ ստեղծելու քայլերին կարող ես ծանոթանալ մեր կայքում:
