Այսօր կարելի է գտնել ու ներբեռնել ցանկացած նախասիրության ու ճաշակի բավարարող հավելվածներ: Մենք ապրում ենք այնպիսի ժամանակներում, երբ սոց. ցանցերի սիրահարները չեն կարող իրենց կյանքը պատկերացնել առանց Facebook-ի, Twitter-ի կամ Instagram-ի, մելոմանները՝ Spotify-ի կամ Shazam-ի: Մերօրյա ճանապարհորդներն էլ կդժվարանան առանց Google Maps-ի կամ Waze-ի: Գոյություն ունեն նաև առավել սպեցեֆիկ հավելվածներ, ինչպես օրինակ՝ Sleep Talk Recorder-ը, որը ձայնագրում է քո խոսքը քնած ժամանակ:
Այո՛, մենք կարող ենք գտնել հավելվածներ՝ կյանքի բոլոր իրավիճակների համար: Այսօր առանձնացրել ենք դրանցից 5-ը, որոնք, վստահաբար, օգտակար կլինեն:
1. Հունվարի վերջից մեր վիրտուալ կյանք ներխուժեց սոցիալական նոր ցանց. Clubhouse-ը բջջային հավելված է՝ ձայնային չատերում հաղորդակցման համար: Այստեղ կարող ես գտնել բազմաթիվ «սենյակներ», որտեղ քննարկում են քեզ հետաքրքրող թեմաները: Ի դեպ՝ բացառված չէ, որ դրանցից մեկում դու կհանդիպես Մարկ Ցուկերբերգին կամ Իլոն Մասկին:
2. 21-րդ դարում կյանքը թելադրում է իր կանոններն ու… ռիթմը: Այս խելահեղ ընթացքը դիմակայելու ու ինքներս մեզ հետ հաշտ լինելու հարցում օգնության է հասնում մեդիտացիան: Tapping Solution Meditations-ը հայտնի է որպես էմոցիոնալ ազատության տեխնիկա. այս մեթոդը ներառում է հին չինական մեդիտացիա և ժամանակակից հոգեբանություն։ Հավելվածն օգնում է ազատվել նյարդային լարվածությունից, լիցքաթափում է ու օգնում հաղթահարել հոգեբանական մի շարք խնդիրներ։ Ի դեպ՝ վերջին շրջանում հավելվածն առաջարկում է նոր սեանս՝ Coronavirus Stress & Anxiety:
Թեմատիկ այլ հավելվածներ՝ Headspace, Calm, Meditopia, Insight Timer:
3. Այժմ կխոսենք մի հետաքրքիր հավելվածի մասին, որն ամեն առավոտ կարող է հերքել մեր՝ «հագնելու ոչինչ չունեմ» հուսահատեցնող համոզմունքը: Cluise-ը անձնական ոճաբան է՝ քո սմարթֆոնում. այն թվայնացնում է զգեստապահարանդ և ընտրում լուքեր հենց քեզ համար՝ վերլուծելով քո ճաշակը, հաշվի առնելով եղանակն ու այն առիթը, որին պատրաստվում ես ներկա գտնվել:
Թեմատիկ այլ հավելվածներ՝ ClosetSpace, Styl, YourCloset, Smart Closet — Fashion Style:
4. Մեր օրերում անգլերենի իմացությունը պարտադիր պայման է՝ գրեթե բոլոր հաստիքների համար: Duolingo-ն անգլերեն դասընթացների հայտնի հավելվածներից մեկն է. այն օգնում է սովորել լեզուն՝ պրակտիկ հանձնարարությունների միջոցով: Հավելվածն ամբողջությամբ խաղային թեմատիկայի մեջ է: Ի դեպ՝ Duolingo-ն անգամ կիրառում են դպրոցական և համալսարանական ծրագրերում:
Թեմատիկ այլ հավելվածներ՝ Lingualeo, Simpler,Wlingua, EWA, Memrise:
5. Դե իսկ ֆինանսները կառավարելու հարցում քեզ օգնության կհասնի Telcell Wallet-ը. մեր պարզ ու հարմար հավելվածը հնարավորություն կտա կատարել և ստանալ դրամական փոխանցումներ, հասանելիություն ունենալ քարտային ու բանկային ծառայություններին և կատարել արագ ու անվտանգ առցանց վճարումներ՝ ցանկացած ժամի, ցանկացած վայրից:
