Տեղեկացում

ՀՀ օրենսդրությունում փոփոխության արդյունքում 2026 թվականի մայիսի 7-ից «Կատարողական վարույթի մասին» ՀՀ օրենքով նախատեսված սահմանափակումները տարածվելու են նաև էլեկտրոնային դրամապանակներում առկա դրամական միջոցների վրա:

Սա նշանակում է, որ հարկադիր կատարման ենթակա ակտ ունենալու դեպքում Telcell Wallet-ի հաշվեկշռին առկա գումարը կարող է մասամբ կամ ամբողջությամբ արգելադրվել/բռնագանձվել:

Արգելադրված գումարը ցուցադրվելու է Telcell Wallet-ի գլխավոր էջում:

Արգելանքը հանելու համար անհրաժեշտ է մարել պարտքը:

Ինչպես մարել պարտքը

• Մուտք գործիր Telcell Wallet հավելված,
• սեղմիր հավելվածի գլխավոր էջում ցուցադրված հաշվեկշռին, որտեղ ցուցադրված է արգելադրված գումարը,
• երկու և ավելի հարկադիր կատարման ակտերի առկայության դեպքում՝ կտեսնես ակտերի ցանկը, որոնցից կարող ես վճարում կատարել միայն առաջինի համար,
• սեղմիր Շարունակել,
• մեկ հարկադիր կատարման ակտ ունենալու դեպքում՝ ավտոմատ կհայտնվես վարույթի վճարման էջում,
• վճարման էջում ցուցադրվում է վճարման ենթակա գումարը, որը կարող ես փոփոխել ցանկության դեպքում,
• ընտրիր վճարման եղանակը և սեղմիր Շարունակել,
• ստուգիր տվյալները և սեղմիր Վճարել:

Կարևոր է

Պարտքը մարելուց հետո հաշիվների ապաարգելադրումը կատարվում է ավտոմատ՝ մեկ աշխատանքային օրվա ընթացքում։