Պատկերացնու՞մ ես՝ նախորդ դարում ինչ-որ մեկին ասեիր, թե վճարումներ կատարելու համար պարտադիր չէ «ձեռքի գումար» ունենալ, և անգամ բանկային հաշիվ ունենալը պարտադիր պահանջ չէ։ Կամ, որ ցանկացած վճարում կարելի է կատարել մեկ հպումով՝ բառի ամենաուղիղ իմաստով։ Կմտածեին՝ ուղղակի լավ երևակայություն ունես։ Իսկ եթե համառեիր, հնարավոր է՝ անգամ հայտնվեիր հոգեբուժարանում։
Բայց արի ու տես, որ նախորդ տարիների ֆանտաստիկան այժմ իրականություն է։
Աշխարհը շատ արագ է փոխվում՝ հեշտացնելով կյանքը, երկար ու ձանձրալի գործարքներն այժմ իրականացվում են ընդամենը մեկ հպումով։ Իհարկե, ոչ միշտ է, որ հարմարվում ենք փոփոխություններին, հատկապես եթե դրանք «վտանգավոր» են թվում։ Երբ «ձեռքի գումարը» տեղափոխվեց բանկային քարտի վրա, մարդիկ շատ կասկածանքով դրան վերաբերվեցին, բայց կամաց-կամաց սովորեցին, սկսեցին քարտով վճարումներ կատարել, գումար փոխանցել և այլն։ Բայց աշխարհը շարունակեց զարգանալ ու նոր անակնկալներ մատուցել՝ արդեն ետևում թողնելով բանկային քարտերն ու ստեղծելով նոր իրականություն՝ էլեկտրոնային դրամապանակները։
Այսօր ուզում ենք պատմել մեր նորության` Telcell-ի էլեկտրոնային դրամապանակի՝ Telcell Wallet-ի մասին։
Նախ, ամենակարևորը՝ ՈՉ, էլեկտրոնային դրամապանակները վտանգավոր չեն, հատկապես՝ մերը, որը գործարք կատարելու համար անգամ բանկային քարտի առկայություն չի պահանջում. դու ես որոշում՝ կցել բանկային քարտը, թե ոչ։ Եթե բանկային քարտ չես կցում, կարող ես մոտենալ Telcell ցանկացած տերմինալի, համալրել Telcell Wallet-իդ հաշիվն անհրաժեշտ գումարով և վերջ՝ կատարիր անհրաժեշտ գործարքներդ։ Սա հարմար է և՛ այն մարդկանց, ովքեր բանկային քարտ չունեն, բայց ցանկանում են ֆինանսական կյանքն ավելի հարմարավետ դարձնել, և՛ նրանց, ովքեր ինչ-ինչ պատճառներով չեն կարող օգտագործել իրենց բանկային քարտը, բայց շտապ գործարք կատարելու անհրաժեշտություն ունեն։
Ի՞նչ կարելի է անել էլեկտրոնային դրամապանակով՝ կհարցնես։ Տարբերակները շատ են․ լիցքավորել բջջայինը, վճարել կոմունալները, մարել վարկերը, ստուգել ավտոմեքենայի տուգանքները, փոխանցումներ կատարել բանկային և քարտային հաշվեհամարներիին, գումար փոխանցել հարազատներին, խանութներում ու սրճարաններում վճարել անկանխիկ Scan and Pay տարբերակով՝ օգտագործելով QR կոդը:
Կարող ես պարբերական վճարումներդ նախընտրելի դարձնել ու վճարել՝ առանց ամեն անգամ տվյալները մուտքագրելու, ավելին՝ խմբավորել ծառայությունները մեկ խմբում ու մեկ հպումով կատարել բոլոր վճարումները: Ինչպես ասում են՝ Telcell-ի էլեկտրոնային դրամապանակը միայն սուրճ չի կարողանում պատրաստել։ Չնայած, ինչ իմանաս՝ գուցե դա էլ համոզեք :/
Մեր ընկերությունը լիարժեք երաշխավորում է գումարիդ անվտանգությունն ու ապահովությունը, այնպես որ՝ անհանգստանալու կարիք բացարձակ չկա։ Արդեն շատերն են միացել մեզ, հաճախ ենք լսում դրական արձագանքներ ու շատ շնորհակալ ենք ու ուրախ, որ կարողանում ենք օգտակար լինել։
Մեզ միանալը հեշտ է։ Ներբեռնում ես Telcell Wallet հավելվածը, կցում ես բանկային քարտդ կամ անձնագիրդ ու ստանում ես հարմարավետություն, ազատություն՝ հերթերից ու թղթաբանությունից, ի վերջո՝ ավելի թեթև կյանք։
