Լույսի, գազի ու ջրի մարդիկ՝ քո գրպանում

Առաջարկում ենք ազատվել կոմունալները վճարելու գլխացավանքից՝ դա կատարելով հնարավորինս արագ, պարզ ու հարմար՝ քո Telcell Wallet-ով: 

1 քայլ = 4 առավելություն

1. Երբեք չես մոռանա վճարման օրը

Հիշու՞մ ես հին ու բարի օրերը, երբ տան դուռը թակում էր «լույսի մարդն» ու տեղեկացնում պարտքիդ գումարը, մի բան էլ սրտնեղում էր, թե միայն երրորդ այցից է հաջողվել քեզ հայտնաբերել տանը… 

Ժամանակները փոխվեցին, մենք հավաքագրեցինք լույսի, գազի ու այլ «կոմունալների մարդկանց» բոլոր գործառույթները մեկ տեղում՝ տերմինալում, իսկ այսօր արդեն՝ վիրտուալ միջավայրում, այն էլ՝ քո գրպանում, հեռախոսիդ մեջ: 

Մեր էլեկտրոնային դրամապանակը քեզ միշտ կհիշեցնում է, որ կոմունալների վճարման ժամանակն է, ծանուցում ուղարկելով անմիջապես, երբ հասանելի են լինում ամսվա կոմունալ ծախսերի տվյալները:

2. Միշտ կիմանաս՝ ինչն ինչքան է կազմել

Շարունակելով «լույսի մարդու» պարտավորությունների թեման՝ հիշենք ևս մեկ իրավիճակ, երբ տան ամենահնարամիտը հետևում էր счетчик-ի թվերին, որպեսզի հանկարծ չխաբվի «լույսի մարդու» կողմից:  

Telcell Wallet-ի հետ դու միշտ կիմանաս՝ կոմունալ ծառայությունների ամսական սպառումդ որքան է: Ընդամենը մուտքագրելով քաղաքային հեռախոսահամարը կամ պայմանագրի համարը՝ մանրամասն տեղեկատվություն կստանաս կոմունալ ծախսերիդ մասին:

3. Բոլոր վճարումները՝ մեկ հաստատմամբ

Վերադառնանք ժամանակակից աշխարհ, որտեղ ամենաթանկ ռեսուրսը ժամանակն ու նյարդերն են: Telcell Wallet-ի թեթև ձեռքով դու կխնայես թե՛ մեկը, թե՛ մյուսը: 

Telcell Wallet-ում հեշտությամբ կարող ես ստեղծել խումբ՝ ներառելով կոմունալ բոլոր ծառայությունները: Արդյունքում՝ ամեն անգամ կոմունալ վճարելիս չես մուտքագրի անհրաժեշտ տվյալները, այլ կստանաս ամսական քո սպառած ծառայությունների վճարումների հանրագումարը և կվճարես մեկ ընդհանուր հաստատմամբ: Կարող ես նաև խմբում ընտրել և առանձին վճարել, բայց էլի մեկ հաստատմամբ, ցանկացած կոմունալ: 

4. Վճարիր օրվա ցանկացած ժամի աշխարհի ցանկացած կետից

Հենց այս պարզ, բայց գրավիչ գաղափարն է մեր էլեկտրոնային դրամապանակի հիմնաքարերից մեկը: Telcell Wallet-ն ամբողջովին ինտեգրվում է քո առօրյայում՝ «երբ ու որտեղից վճարել» հարցերի պատասխանները թողնելով քո հայեցողությանը: Բազմոցին անցկացվող ջերմ երեկոյից մինչև ծանրաբեռնված աշխատաժամեր. որևէ պարագայում քեզ բարդ չէ վերցնել սմարթֆոնն ու մի քանի հպումով ազատվել կոմունալները վճարելու «գլխացավանքից», որովհետև «պատվաստանյութն» արդեն հայտնի է ու, վստահաբար, անվնաս: 

Վերոնշյալ առավելություններից օգտվելու համար.

կցիր անձնագրիդ տվյալները Telcell Wallet-ին և հաշիվդ համալրիր կցված բանկային քարտից կամ մեր տերմինալից, որը, վստահաբար, մոտակայքում կգտնես: