Ստատիկ ու դինամիկ QR ուղետոմսերն ու դրանց առանձնահատկությունները

🔄 Դինամիկ QR ուղետոմս. անձնական, ժամանակակից, պաշտպանված

Դինամիկ QR ուղետոմսը թվային ուղետոմսերի նորարար տարբերակն է։
Այն ունի մի քանի կարևոր առանձնահատկություն․

✔️ թարմանում է յուրաքանչյուր 30 վայրկյանը մեկ,
✔️ հասանելի է միայն Telcell Wallet հավելվածում,
✔️ չի թույլատրվում սքրինշոթ կամ լուսանկար անել,
✔️ չի կարող փոխանցվել այլ անձի,
✔️ մեկ տրանսպորտային միջոցում կամ կայարանում հնարավոր է սքանավորել 30 րոպեում մեկ անգամ։

📌 Որ ուղետոմսերն ունեն դինամիկ QR կոդ.

• 180 րոպե
  
• 1 օր
  
• 1 շաբաթ
  
• 1 ամիս
  
• 3 ամիս
  
• 1 տարի
  

Սա արվում է մի պարզ պատճառով՝ պաշտպանել ուղետոմսը չարաշահումից։ Հնարավոր չէր վերահսկել՝ արդյոք նույն QR կոդը օգտագործում են տարբեր անձինք։ Դինամիկ QR-ը ստեղծվել է՝ լուծելու այդ խնդիրը։ Դինամիկ QR ուղետոմսերը պահանջում են ինտերնետ կապի մշտական հասանելիություն, քանի որ թարմանում են յուրաքանչյուր 30 վայրկյանը մեկ և գործում են միայն Telcell Wallet հավելվածում։ 

Սկսած մարտի 1-ից՝ բոլոր վերոնշյալ ուղետոմսերը՝ բացի 180 րոպեից, որն ունի 3 ուղևորություն, տալիս են անսահմանափակ ուղևորությունների հնարավորություն և գործում են միայն մեկ անձի համար։

💡 Այսինքն՝ մեկ ուղետոմսը չի կարող միաժամանակ օգտագործվել երկու կամ ավելի ուղևորների կողմից։ Դինամիկ QR-ն ապահովում է այս սահմանափակման կարգավորումը։